Ikaduwang tataramon

Blackboard na ginamit sa sarong klase sa Harvard pigpapahiling an mga espwerso kan mgs estudyante sa pagbugtak nin diaeresis asin acute accent diacritics piggagamit sa Spanish orthography.

An ikaduwang tataramon (L2) iyo an tataramon na pigtataram na dugang pa sa enot na tataramon (L1). An ikaduwang tataramon posibleng iyo an kataraid na tataramon, saro pang tataramon kan iba pang parataram sa ineerokan na nasyon, o sarong banyagang tataramon.

An dominanteng tataramon nin sarong parataram, na iyo an tataramon na pinakapiggagamit nin sarong parataram o iyo an pinakakomportable, dai nangangahulugan na iyo an enot na tataramon kan parataram. Por ehemplo, an Canadian census pigladawan an enot na tataramon huli sa saiyang mga katuyohan bilang "Ano an tataramon kan tawong ini na enot niyang nanudan sa harong sa pagkaaki asin nasasabotan man giraray?", pigmimidbid na para sa iba, an pinakaamay na tataramon posibleng nawara, an proseso ns midbid bilang language attrition. Posible ining mangyari kapag an mga aking sadit nagpoon na mag-eskwela o maglipat nin bagong kapalibotan.